Hardanger Musikkfest

Hardanger Musikkfest 2026 - jubileumsfestival ved fjorden

I 2026 feirar Hardanger Musikkfest 30 år og inviterer til ei jubileumsveke fylt av sterke konsertopplevingar i vakre omgjevnader. Festivalen går føre seg 26.–30. august på Lofthus og rundt Sørfjorden i Ullensvang.

Årets tema er GNIST – den vesle energien som oppstår når musikk, menneske og landskap møtest. Gjennom fem festivaldagar kan publikum oppleve alt frå store orkesterkonsertar til intime kammerkonsertar, nye verk og møte mellom ulike musikalske tradisjonar.

Konsertane finn stad i kyrkjer, konsertsalar og andre særprega rom mellom fjord og fjell. Festivalen byr også på arrangement for born og unge, og skapar møte mellom lokale tradisjonar og internasjonale artistar.

Opplev sensommar i Hardanger med musikk i verdsklasse, vakker natur og unike konsertrom – frå kyrkjer og kultursalar til landskap der fjorden og fjella spelar med.

Velkomen til Hardanger Musikkfest 2026.