Sykling i Åseral

Skardehei er eit aktivitetsområde i sentrum av Bortelid med flotte løyper som er tilrettelagde for terrengsykling. Løypa går over Skardeheitoppen, som ligg rett i underkant av 600 moh. med utsikt over heile Bortelid hyttegrend.

Vil du ha ein litt mindre krevjande tur, er det mange andre turvegar som er fine til sykling. Sjå www.bortelid.no for fleire forslag. På Ljosland kan du parkere bilen i Gloppedalen og sykle langs Langevatn på ny, fin turveg innover til Fosstjønn. Det er dessutan fleire turløyper i området rundt Farevatn som er godt eigna for sykling.

Det er mogleg å leige sykkel på Ljosland og Bortelid.
Ljosland: Ljoslandshytta, 909 30 125, post@ljoslandshytta.no
Bortelid: Bortelid.no, 476 26 708, bea.reuter@gmx.de