Årbakka
Årbakka gjestehamn
Autumn
Summer
Free wifi
Årbakka Handelsstad er ein klassisk, vestlandsk handelsstad, med handelsbu, smie og sjøbu. Her kan ein legge til langs gjestebryggja med eigen båt.
Handelsstaden vart etablert i 1898. Smie og sjøbu måtte byggjast nye etter brann i 1929. Her har vore dampskipsekspedisjon og postkontor. I 1960 blei handelsverksemda flytta opp til hovudvegen. Bygningane står innvendig og utvendig omlag slik dei var på 30-talet. I sjøbua er det plata mellom veggstolpane for å gjere lokalet eigna til kunstutstillingar.
Bygningar: sjøbu/galleri, kystlaget si utstilling i smio, og handelslokala i første høgda i hovudhuset. Det som skil denne handelsstaden frå andre liknande tiltak, er at den er næraste nabo til eit gravfelt frå eldre jarnalder med fleire bautasteinar.
I sommarsesongen har Årbakka Handelsstad utstillingar i sjøbuo.
På vegen ned mot området står ei informasjonstavle.
God parkering (òg for bussar) 30 meter frå anlegget, skilting ved hovudvegen. I den gamle butikken kan du få kjøpa kaffi og vaflar, gammaldagse drops og sukkerkandis, is og handverksprodukt.
Fasilitetar som toalett, dusj og vaskemaskin er kun tilgjengeleg i opningstidene.
Last updated: 02/23/2024
Source: Samarbeidsrådet for Sunnhordland
Årbakka gjestehamn