Eastern Norway Innlandet LOM

Bakeriet i Lom | Kafé

Sognefjellsveien 7, Lom
/ +47 61211860
/ km From You

www.bakerietilom.no

Facebook Page

Category: Taste Norway

Bakeriet i Lom ligg midt i Lom sentrum. Vi har utsal med brød og andre bakevarer og eigen kafé. Om sommaren har vi uteservering med pizza og hamburger.

Bakaren i Lom er viden kjend for sine luftige kanelbollar.

I sommarsesongen er det ofte lange køar utanfor dørene til det vesle bakeriet i Lom sentrum. Men både bakarvarene og opplevinga er verdt å vente på.

For bakaren i Lom handlar det ikkje om å gjere ting enklare, men ekte. Steinovnen er det glødande hjarte i bakeriet. Varmen, lukta og røyken som stig opp frå pipa når dei fyrer er ein viktig del av historia til bakeriet. Det er noko grunnleggande og ekte i denne måten å bake på, ikkje nødvendigvis enklare, men bakaren sjølv er sikker på at det er ein forskjell som du kan oppleve. Den sitt i skorpa på brødet, i smaken og lukta, men òg i veggane i bakeriet.

Dessutan vel bakeriet i Lom å bruke lokalprodusert mjøl frå små leverandørar. Da kan bakekvaliteten på mjølet endre seg frå år til år, og det nyttar ikkje alltid å bruke oppskriftane frå i fjor. Det enklaste er ikkje alltid det beste.

Ta deg gjerne ein tur innom litt utanom sesongen, så får du sitje i fred og ro og kikke på fossen medan du nyt ein god kopp kaffe og eit realt stykke brød eller ein saftig bolle.

Bakeriet i Lom arrangerer òg bakekurs.