Kalvåg
Opplev rå naturkrefter frå første rad i Dosabu stormjakthytte. Nyt utsikta mot storhavet i all slags vêr – frå spektakulære stormar til magiske solnedgangar over havet.
Besøk stormjakthytta i Bremanger, og få panoramautsikt til storhavet utan å bli våt. Stormhytta er ein del av satsing innanfor "Stormwatching" konseptet. Denne hytta er open for alle, men er ikkje til overnatting.
Hytta er plassert på kanten av klippeterrenget på Frøya, vest av Kalvåg med panorama utsikt til stor havet. Plassering er nøye planlagt i terrenget med tanke på utsikt, inngrep og materialbruk. Det tar ca ein time å gå for å komme fram til hytta, men det er det vel verdt. Utsikta er upåklageleg.
Bremanger er eit eldorado for havørn, og kanskje du er heldig og får auge på desse majestetiske rovfuglane? Ta med mat og drikke, og nyt ein heftig storm eller ein fager solnedgong, medan du sitter lunt og godt inne.
Turen startar frå Nesje og er 3km lang. Frå Kalvåg er turen 6,5 km lang.
Källa: Nordfjord