Stadlandet
Heilt ytterst på vestkysten av Noreg, i den vesle bygda Ervik, finn du ein surfebutikk litt utanom det vanlege. Her kan du kjøpe eller leige det du treng for ein dag i vatnet.
Surfesjappa ligg i Ervik, ei lita bygd omkransa av fjell og hav ytst på Stadlandet. Det er kanskje ikkje den første staden du forventar å finne ein surfebutikk, men nettopp det gjer staden spesiell. Her finn du det du treng for å kome deg ut i bølgjene, anten du er heilt ny på surfing eller har mange timar i vatnet bak deg.
Ervik Surfshop tilbyr både sal og utleige av surfebrett, våtdrakter, SUP-brett og anna nødvendig utstyr. I tillegg finn du klede og tilbehøyr med eigne motiv og logoar, inspirerte av det lokale miljøet og livet ved havet. Mange stikk innom for å kjøpe ein hettegenser, lue eller T-skjorte som eit minne frå turen til Ervik.
Surfesjappa er meir enn berre ein stad å kjøpe utstyr. Ho er ein naturleg møteplass for både lokale og tilreisande. Her kan du setje deg ned med ein kaffi, slå av ein prat og bli kjend med folk i området. Du kan også bestille surfekurs eller booke badstova som ligg nede ved stranda. Dei tilsette hjelper gjerne med praktisk informasjon om forholda i bukta, tidevatn og tryggleik i vatnet.
Mange vel å starte dagen i sjappa og avslutte han her også – anten for å hente brett, levere tilbake utstyr eller berre dele dagens surf med andre. Atmosfæren er uformell og inkluderande. Her er det rom for å spørje, lære og vere ein del av fellesskapet, anten du er her for ei helg eller ein heil sommar.
Surfesjappa er berre open i sesongen. Det blir anbefalt å følgje Ervik Surfshop @erviksurfshop i sosiale medium eller ta kontakt dersom du lurer på noko før du kjem.
Källa: Nordfjord