Galde Uppigard – Gardsovernatting

Galde Uppigard ligg 550 m.o.h. i Bøverdalen. Gardsovernatting i gamle og nye hus, og kort veg til Galdhøpiggen, Galdhøpiggen sommerskisenter, jakt, fiske, andre fjellturar og rafting.

Midt i Jotunheimen ved foten av Galdhøpiggen finn du setra og garden Galde Uppigard. Setra ligg på vakre Raudbergstulen med klatrepark og hestesenter som næraste nabo. Garden ligg nede i dalen (5 km frå setra).

Både garden og setra er gode utgangspunkt for skitrening – både alpint og langrenn – turar til fjord og fjell, jakt og fiske. 1 km til nærmaste butikk. Fin barnevennleg plass både på garden og setra. Nye og gamle hus med alle fascillitetar.

Kårstugu: Fint gammalt hus med 14 sengeplassar (4 soverom), stor stue med TV, stort kjøkken med oppvaskmaskin – godt utstyrt til 25 personar. 2 dusjar og toalett.
Dalastugu: Nyrestaurert hus med 2 soverom (6 sengeplassar), stue med TV, kjøkkenkrok med oppvaskmaskin, dusj og toalett.
Loftet: Soverom med 3 senger, stue med TV, kjøkkenkrok med oppvaskmaskin, dusj og toalett.
Stabburet: 4 senger, kjøkkenkrok.
Biblioteket: 2 senger, kjøkkenkrok.
Gamlestova: Opphaldsrom.

I det gamle tunet finn du fred og ro, og i Gamlestova som er frå 1719-talet kan du kose deg og brenne på peisen og føle at du bur i eit hus med sjel. Usjenert fin uteplass bak Gamlestova.

Du har elles både sanitæranlegg, tørkerom, klevaskemaskin, smørebu og gratis internett på garden. 

Setra: Om du køyrer Galdhøpiggvegen opp til Raubergstulen finn du setra. Setra er ein idyllisk og triveleg plass der du kan sjå kyr, sauer og hestar. I den nye delen av setra finn du stue, dusj, toalett, og eit godt utstyrt kjøkken med oppvaskmaskin. I den gamle delen kan ein framleis oppleve idyllen frå gamledagar. Totalt 6 - 9 sengeplassar. Familiekøyer. Anneks med 6 senger.