Guida topptur på ski i Sunnmørsalpane - Ræin Adventures

Topptur i Sunnmørsalpane

På denne guida toppturen i Sunnmørsalpane med Ræin Adventures får du skikøyring med utsikt til dei kjende fjordane og karakteristiske fjelltindane på Sunnmøre. Vår lokale og kunnskapsrike skiguide er lommekjent og introduserer deg på ein trygg måte til det beste regionen har å tilby. Turen blir lagt opp etter snøforholda og gruppa si erfaring og ferdigheiter.

Kven passar turen for?

For å bli med på denne toppturen må du ha eit minimum av ferdigheiter med skikøyring frå før, og det er ein fordel om du har vore på topptur før. Turen passar for deg som ønsker ein trygg tur med god kunnskap om lokale tilhøve. Dersom du er heilt nybegynnar, er det mogleg å delta på skredkurs eller toppturkurs før du startar turen. Dette kan kjøpast i tillegg.

Bli lenger - opplev meir

Sunnmørsalpane har mange spektakulære fjell som ventar på deg. Bli lenger og opplev meir. Hos Ræin får du alltid 10 % rabatt på guiding om du blir 3 dagar eller meir.

Overnatting

Juvet Landskapshotell ved Trollstigen, Kilsti Compact Lodge mellom Valldal og Geiranger samt Nikkahuset i Valldal er overnattingsstadar i nærleiken, og som kan anbefalast som utgangspunkt for turar nær Valldal og Tafjord. Ræin kan også formidle private utleigehytter, og hjelper gjerne med planlegginga.