Nordfjordeid
Opplev Harpefossen Skisenter – Skiglede midt i vakker natur! Harpefossen Skisenter er eit familievenleg skisenter midt i den spektakulære naturen i Nordfjord.
Her finn du eit breitt tilbod av aktivitetar, perfekt for både barnefamiliar, skiglade vennegjengar og eventyrlystne fjellfolk. Harpefossen byr på eit variert løypenett med over 13 km preparerte nedfartar i ulike vanskegrader. Enten du er nybyrjar eller erfaren skikøyrar, vil du finne noko som passar. Med fem skitrekk og ein komfortabel heis kjem du deg raskt opp til toppane, der eventyret ventar.
Barneområdet er spesielt tilrettelagt for dei minste, med eigen skileik og enkle trekk. For dei meir vågale ventar både raude og svarte løyper – og ikkje minst fantastiske moglegheiter for off-piste og laussnøkøyring.
Skisenteret er også eit utgangspunkt for 40 km med preparerte langrennsløyper der du kan nyte storslått utsikt over fjell og dalar. Løypenettet går gjennom 5 idylliske fjellsetrer. For topptur-entusiastar er området ein draum, med fleire spektakulære fjell å bestige. Flomlys i både alpinanlegg og langrennsløyper gjev eit godt tilbod òg på kveldstid. Vi kan tilby skiinstruktørar for alpin, telemark og snøbrett på førespurnad.
På Harpefossen finn du alt du treng for ein perfekt dag:
Skiutleige med alt frå alpinski og snowboard til langrennsutstyr
Kafé og varmestove som serverer varme og kalde rettar i trivelege omgjevnader
Overnattingsmoglegheiter rett ved bakken, med både hytter og leilegheiter tilgjengeleg
Harpefossen Skisenter ligg berre ein kort køyretur frå Nordfjordeid sentrum, der du finn butikkar, kaféar og andre aktivitetar. Dette gjer det enkelt å kombinere ein dag i bakken med andre opplevingar i området. Anlegget ligg langs den gamle postvegen mellom Nordfjord og Sunnmøre.
Opplev ekte skiglede og skape minner for livet på Harpefossen Skisenter!
Alpepass – 1 skikort – 9 skianlegg
Med alpepass.no kan du stå på ski i 9 skianlegg; Stryn Vinterski, Harpefossen Skisenter, Strandafjellet Skisenter, Sunnmørsalpane Skiarena Fjellseter, Stordal Alpintsenter Arena Overøye, Ørsta Skisenter, Hornindal Skisenter og Volda Skisenter. Alpepass får du kjøpt som sesongkort som er gyldig på alle desse skisentra, eller du kan kjøpe kort frå 2 til 10 valfrie dagar.
Källa: Nordfjord