Opplev Lihesten i Hyllestad - eitt av dei mest markante landemerka i Fjordkysten og Sunnfjord og eit populært turmål med storslått utsikt.
Majestetisk, trolsk og utfordrande - dette er ord som vert brukte om Lihesten, dette landemerket og samlande symbolet for Hyllestad. Alt i vikingtida var fjellet eit viktig landemerke, og Olav Kyrre søkte ly under fjellet og vurderte å leggje ein by til Lifjorden. Det er mogleg å gå mange turar og bruke mykje tid i dette særmerkte fjellmassivet i Hyllestad.
Turbeskriving med startpunkt ved Lekva
Frå startpunktet ved Lekva kan du velge å gå opp Lihesten på fleire måtar. Du starter turen ved å følgje skogsvegen heile vegen til du kjem til treklopper. Videre er det merka tursti med raude merker til 3 L – stølane og Gygrekjeften. Går du dei flotte sherpatrappene opp til Lihesten platået kan du velge om du vil gå til Risnesnipa eller Gygrekjeften, begge turstiane er merka med raude merker. Du må rekne med å bruke om lag 3-4 timar opp, enten du vel å gå til Risnesnipa eller Gygrekjeften.
Det er toalett på 3 L – stølane. Turen til toppen av Lihesten er krevande fysisk.
Risnesnipa frå Hovlandstien
Det er også mogleg å gå opp Risnesnipa frå Hovlandstien. Du kan enten velge å parkere ved Lekva, eller køyre vidare ut Lifjorden til du kjem til ei lita parkering på venstre side, under eit tre. Frå parkeringa går du litt tilbake til du ser skiltet opp. Stien er flott med variert terreng. Her vil du gå gjennom skogen i første partiet, før du kjem opp til eit meir ope terreng med storslått utsikt over Lifjorden. Stien kan vere nokså bratt første del, men når du har komt deg opp på ryggen av Lihesten går turen på fjell til toppen. Her anbefaler vi å bruke god tid opp fjellet. Både for å nyte utsikta, ein god matpakke og drikke rikeleg med vatn.
Trygg på tur: Dette bør du ha med i fjellet
På fjelltur er det viktig å vere godt førebudd – spesielt fordi vêret kan snu raskt. Ha alltid med varme klede, vindtett og vasstett jakke, lue og vottar, sjølv på fine sommardagar. Gode fjellsko, kart eller GPS, nok mat og drikke, samt ein liten sekk med ekstra ull, førstehjelp og fullada mobil gjer turen både tryggare og meir komfortabel.
Å vere førebudd på skiftande vêr kan vere skilnaden på ein flott oppleving og ein unødvendig krevjande tur. Det er viktig å lese fjellvettreglane før du legger ut på tur.
Om du ønsker å oppleve meir av Hyllestad, så finn du overnatting her: Overnatting i Hyllestad.
Källa: Visit FjordKysten og Sunnfjord