Mikkelparken

I Mikkelparken familiepark er det mykje moro for barn mellom 1-10 år! Familieparken ligg i Kinsarvik mellom fjord og fjell. I Mikkelparken er eit spennande område for leik i vatn med tre basseng, vatnsklier, vatnkanoner og spruteområde med oppvarma vatn. På Mikkelgarden får du helse på geiter, kaninar, marsvin, høner og hanar. Mikkeltoget fekk maskoten Mikkel til 10 års dagen og toget køyrer igjennom parken mellom blømande frukttre og gjennom ein tunell.

Mikkelparken er eit eldorado for aktive og leikne born,. I Jungelløypa får du klatre, balansere, skli og hoppe. Skoskogen er det største leikelandet i parken- her kan du leike i labyrintar, blant tre, soppar og Mikkel sine sko.

Leit etter gullklumpar i sanden og få ein fin premie, prøv andetrøbåtane ei runde i dammen og ha vatnkrig med krasjbåtane. I Mikkelparken er det også store bilar du kan køyre sjølv og radiostyrte bilar og båtar.

Billettar kan tingast på www.mikkelparken.no