Skåri Høgdegård

Garden - unik og eksklusiv!

Skåri Høgdegard ligg 225 m.o.h. på ei fjellhylle med vakkert utsyn mot Mørkridsdalen, Skjolden, fjella og fjorden. Vi ligg innerst i verdens lengste og djupaste fjord og er omkransa av nasjonalparkar, brear og flotte fossefall. 

ROM MED EI HISTORIE

Alle rom har komfortable senger og hyggeleg atmosfære, er unike og inspirert av middelalderen med vakkert interiør. Det er felles dusjar og toalett i Badehuset i tillegg til toalett/dusj i Tårnhuset. 

Eit opphald på Skåri er for grupper 2-14 personar i minimum 2 døgn.

Garden er idag ei samling ulike hus som kvar for seg og ilag utgjer ein komfortabel men annaleis overnattingsplass for deg som søker det unike og eksklusive. 

Unik fordi det er få, eller ingen, gardar i Noreg som har så mange bygningar restaurert eller oppattbygd på denne måten, heile 3 steinhus på garden og er i privat eige og ikkje museum. Eksklusivt fordi vi tilbyr deg å leige ein heil gard, der du og din familie disponerar alt åleine med all service de treng. Ein ferie som viser norske tradisjonar i eit autentisk miljø, måltider med dei fleste av råvarene direkte frå vår Debio-økologiske gard og ditt personlege opplegg for å oppleve dei fantastiske attraksjonane vi har rundt oss her. 

På garden har vi tilbod til våre gjester, som vil ta det roleg og slappe av. 

- Meditasjon med guide oppe ved fossen

- Ridetur med Trym og Prawda. Rideundervisning

- Badeaktivitetar i utestampen, i boblebadet, i kulpen ved fossen. Sauna i badehuset.

- Velværedag med fotpleie, massasje m.m.

- Stell av dyra. Børsting og kos med hest og kyr, leik med kattene

- Kurs i baking, pølseproduksjon, karameller, sylting, sying av skinnfell m.m

- Tur til vårstølen

- Grilling på uteplassen

post@skaarifarm.no