Skip to main content
Unknown Component
civid: 5c827ce87e58a5b7ea9333aa
name: plugins_common_social_share (widget)

Skjåk

Skeid Kro | Restaurant

Skeid Kro ligg i Skjåk, og er kjent for sin gode heimelaga mat. Her kan du innta eit godt måltid i eit uformelt, triveligt miljø.

Velkomen til ei lokal og smakfull matoppleving på Skeid Kro i Skjåk.

Skeid Kro vart bygd i 1982, og severer god heimelaga mat. For å få den kvaliteten dei ynskjer på maten, lagar dei maten frå grunnen av i eiga foredlingsverksemd.

På Skeid Kro kan du innta eit godt måltid i eit uformelt, triveligt miljø. Vertskapet prøvar å leve opp til den gjestfriheita som det er tradisjon for i Skjåk - nemleg: «Kjem det gjester til gards, skal det beste på bordet, og det skal være rikelig av det som vert servert». Med dette som grunnlag har vi fått eit godt rykte om ”god mat og store porsjoner til ein rimelig pris.»

Av dagens middag kan du forsyne deg sjølv frå varmdisken, gjerne fleire ganger, til fast pris. I tillegg har vi ein rikhaldig "À la carte"-meny der du kan velge mellom lette rettar eller full middag. Vi har plass til ca 150 personar inne og om sommaren er det plass til 50 på terrassen. Stor parkeringsplass, tilrettelagt utanfor.

I varmdisken finn du altså tradisjonsmat, foredla lokalt, av råvarer frå Skjåk. Til deira eige pølsemakeri kjøper dei inn heile slakt frå lokale gardbrukarar og tilvirkar alle kjøtrettane.På den måten tek drivarane på Skeid kro vare på dei lokale mattradisjonane og vi får nytta heile dyret. Av beina koker dei kraft som blir brukt til brun saus.

På Sygard Forberg dyrkar dei mandelpoteter, og frå dei får Skeid kro levert skrelte poteter. Dei kjøper også lokale grønsaker så lenge det er tilgang på det. Det fins til og med eigen eggprodusent i Skjåk-bygda. 


Last updated: 01/12/2023

Source: Visit Jotunheimen AS

Skeid Kro | Restaurant

Nyligen besökta sidor