Berre 4 km frå Stryn sentrum finn du Stryn Vinterski – eit skisenter der alle finn noko å glede seg over, anten du likar slalom, telemark, snowboard eller toppturar. Her får du spektakulære nedfartar frå heile 1000 moh ned til 320 moh, omgitt av storslått Nordfjordnatur.
For små og store – nybyrjar og proff
Stryn Vinterski har fire skitrekk og 8 km preparerte løyper i ulike vanskegrader. Tautrekket (90 m) er perfekt for dei aller minste, medan Juniorheisen gir barna eit trygt og spanande område med skileik. Hovudtrekket (1200 m) byr på tre ulike nedfartar – frå raude løyper for dei meir erfarne til blå løyper for ein lettare tur. Steindalsheisen (1400 m) tar deg til topps på 1000 moh, med utfordrande raude traséar både på vest- og austsida.
Stryn vinterski har altså:
2 stk T-trekk med høgdeforskjell på 700 meter
1 stk tallerkenheis for nybegynnarar
1 stk tautrekk for leik og moro
Skiutleige med utstyr for både alpint og langrenn
For dei som elskar urørt natur, ventar vidslåtte off-piste område og unik skogskøyring. All ferdsel her er på eige ansvar. Eventyrlystne kan også bruke skisenteret som utgangspunkt for toppturar – med eller utan guide! Stryn Vinterski er eit godt utgangspunkt for mange flotte toppturar med sju fjell frå 1000–1400 moh som ligg kring anlegget. Natakupa (1400 moh) og Hestefjellet (1303 moh) ligg svært lett tilgjengelig. Dersom du ikkje er så van med høgfjellet, kan skisenteret hjelpe med guide og trygg ferd til topps. Sjekk varsom.no for ver- og føreforhold.
Glør Bistro serverer både varme og kalde rettar, medan varmestova med 100 sitteplassar tilbyr ei hyggeleg atmosfære for ein pause eller afterski.
I nærområdet finn du også 40 km med preparerte langrennsløyper, og berre ein liten køyretur unna ligg Stryn sentrum med gode restaurantar, shopping og overnattingstilbod.
Velkomen til Stryn Vinterski – der vintereventyret ventar!
Källa: Nordfjord