Odda
Trolltunga Camping i Odda ligg idyllisk til mellom nasjonalparkane Hardangervidda og Folgefonna, med nærleik til Trolltunga, Hardangerfjorden, fossar og spektakulær natur.
Källa: Destination Hardanger Fjord AS
Trolltunga Camping i Odda ligg idyllisk til mellom nasjonalparkane Hardangervidda og Folgefonna, med nærleik til Trolltunga, Hardangerfjorden, fossar og spektakulær natur.
Trolltunga Camping ligg idyllisk til mellom to nasjonalparkar - Hardangervidda med Trolltunga og Folgefonna med breen.
Dette er ein ideell base for turen til Trolltunga. Her kan ein slappa av i fredelege omgjevnader ved brevatnet Sandvinvatnet, med nærleik til naturen.
Campingplassen ligg inst i Oddadalen, eit område kjent for sine mange spektakulære fossefall og høge fjell. Det er berre 2 km til Hardangerfjorden og Odda sentrum. Til startpunktet for Trolltunga-turen er det 15 km, anten med bil eller med Trolltunga Shuttlebus i høgsesongen. Det er 5 km til Buer, der stien startar opp til Buarbreen, ein brearm frå Folgefonna. Til den kjende tvillingfossen Låtefoss er det om lag 6 km.
På Trolltunga Camping kan gjester ta del i ei rekkje aktivitetar og opplevingar. Det nye bryggeområdet er perfekt for eit bad, og det er mogleg å leiga kano eller SUP-brett, eller berre nyta rolege stunder ved vatnet med flott utsikt over Odda. Campingplassen tilbyr leilegheiter, hytter, rom og sanitæranlegg. Det er mogleg å førehandstinga plass for telt, eller oppstillingsplass for bubilar med straum og grasunderlag.
Källa: Destination Hardanger Fjord AS